Startupek hainbat aukera dituzte azkartzeko eta handiagoak izateko, eta diru-laguntzak lortzeko.: inebertsoreak lortu, diru-laguntzak jaso, lehiaketak irabazi, edo enpresa bizkortzaile eta inkubagailu baten barruan sartu.
DIRU-LAGUNTZAK
Bestalde, diru-laguntzak jaso ditzakete (Bizkaiko Foru Aldundiaren aldetik adibidez). Asier Aleak, Bizkaiko Foru Aldundiko kanpo-sustapeneko zuzendariak, azaldu du Bizkaiak potentzial handia duela, eta garapen-maila horretara iristen denean eta duen potentziala ateratzen duenean hemen inbertitzaileak iristen hasiko direla, gero inbertsio horiek startup-etara eramateko.
INBERTITZAILEAK
Alde batetik, beren startup-aren aldeko apustua egiten duten inbertitzaileen laguntza izan dezakete, eta, horri esker, bultzada hartzen dute eta diru gehiago biltzen dute aurrerapenak egiteko. Oro har, startup-ek ez dute inbertsorerik izaten hasieran. Jorge Gonzalezek azaltzen duenez, Rich Box startuparen sortzailea: "Lehenik zerbait muntatu behar duzu eta salmenta-kopuru interesgarria izan; gero, inbertsioa dator, ez lehenago".
ENPRESA BIZKORTZAILE ETA INKUBAGAILUAK
Azkenik, proiektu ekintzaileentzako enpresa bizkortzaileak eta inkubagailuak daude. Enpresa horiek pertsona ekintzaileen hazkundea babesten eta errazten dute, beren ideietan inbertituz. Josetxu Silgok, Metxako (Gasteizko startup-azeleragailua) zuzendari eta sortzaileak dio Metxa ekintzaileen eta inbertitzaileen arteko lotura dela; baina ez harreman hori errazte hutsagatik, baizik eta “gure azelerazio-programen bidez proiektuei inbertsio bat lortzetik gertuago egoten laguntzeagatik”.