Hasierako urratsak
Enpresa txikiak bezala, Startup-ak arloaren arabera (zientzia, teknologia, kultura…) eboluzio eta ibilbide desberdina hartzen dute. Lehenengo urratsak ekintzaileen buruetan eman ohi dira, ideiak pentsatu, helburua finkatu, proiektuaren forma… normalean ideiak idealizatu egiten dira hasiera horretan. Aitor Artetak, Stoor startup-aren sortzaileak (arkitektura-zerbitzuen eraldaketari buruzko proiektua), horrela azaltzen du: “Lehenengo pausua ideiak edukitzea da, baina ez da garrantzitsuena. Hasieran dena kolore arrosaz ikusten duzu eta ideiak oso idealistak izaten dira, baina gero moldatzen joaten dira errealitatera eta aurkitzen dituzun erantzunen bitartez ideiak garatzen doaz enpresa sortu arte”. Hala ere, badaude jarraitzea beharrezkoak diren bost urrats ideiak ondo garatzeko.
1. urratsa. Helburua zehaztu
Target, publiko objektiboa ere deitua, edozein proiektutan garrantzitsuena da. Berdin da Marketing Online edo autoentzako ordezko piezak saltzen aritzea. Izan ere, helburua definitu ondoren, xede-publiko horrekiko ekintza guztiak egin beharko dituzu, ez baitute berdin funtzionatzen landa-eremuko 50 eta 60 urte bitarteko pertsonek eta gazteek, adibidez.
2. urratsa. Antolaketa
Hasierako urrats hauetan antolakuntza izatea ezinbestekoa da baliagarriak izan daitezkeen indeiak ez galtzeko eta oinarri finko bat izateko. Lan egiteko tokia, ordutegi bat markatzea eta goizero moldatzea lanari aurre egiteko.
3. urratsa. Merkatuaren azterketa egitea
Merkatu-azterketa bat, oinarrizkoa bada ere, ahalegina, denbora eta dirua aurrezteko oso baliagarria izan daiteke. Alex Veak, Smowltech-en sortzaileak (online ebaluazioen kalitatea bermatzeko sortutako plataforma), proiektu batekin hasi aurretik merkatua ezagutzeko garrantzia azpimarratzen du esanez startup baten helburua eskaera eta behar bati erantzutea izan behar dela. “Gure puntu ahuletako bat izan zen goizegi hasi ginela hain heldua ez zegoen merkatu batean. AEBetan online prestakuntza asko hazi zen, baina Europan ez zegoen hainbeste eskaera horrelako zerbitzuetarako”, adierazi du Alex Veak. Proiektu batekin hasi aurretik oso garrantzitsua da murgilduko zaren merkatua ezagutzea honen beharrak aurreikusi ahal izateko eta hauei erantzun ahal izateko.
4. urratsa. Baliabideak lortzea
Bestalde, baliabideak izatea ezinbestekoa da proiektuarekin aurrera egin ahal izateko, bai lantaldea bai erramintak. Zehazki beharko ditugun baliabideak jakin ahal izateko timing-a kontuan hartu behar da (gauzak egiteko momentu egokia), noiz hasi eta zenbat baliabiderekin iritsiko zinateke lehenengo helburua lortzeko. Oso azkar hasten bazara, baliabiderik gabe geratu zaitezke. Aitor Artetak, Stoors-en sortzaileak: “Ideia batetik abiatzea, ideia exekutatzeko talde bat izatea, premiaz betetako talde bat egotea eta hura gauzatu ahal izateko eskaera egotea garrantzitsuena da”. Startup bakoitza behar dituen baliabideak lortzeko ahalmen desberdina izango du, bai profesionalak lortzeko bai beharrezkoak diren elementuak aurkitzeko. Hori merkatuaren eta timing-aren araberakoa, izango da. Jorge Gonzalezek, Rich Box-en sortzaileetako bat (dirua oparitzeko modu originalak bilatzen dituen proiektuak) azaldu egin du nolakoa izan zen haien lehenengo astea: “Webgunea muntatu genuen, hori zelako egin genezakeen gauzetako bat, eta horrekin aurera egin genuen”. Startup bakoitzak eskura dituen baliabideak aztertu eta kontuan izan behar ditu, askotan beharrezkoak diren osagaiak dagoeneko gure eskuetan ditugulako.
5. urratsa. Feedback-a eta retargeting-a
Retargeting (edo remarketing) bezero batek bezero jarraitzen izateko egiten dena da. Lan bat egin ondoren, ez da amaitzen bezeroarekiko harremana, edo behintzat ez luke hala izan behar. Lan oso bat amaitzen den bakoitzean, feedback-a eskatzen du, bezeroaren benetako gogobetetze-maila zein den eta zertan hobetu dezakezun jakiteko. Adibidez, lehen aipatutako Rich Box startup-arentzako oso garrantzitsua izango da gabonetako kanpaina, benetan aurreikusi dituzten salmentak lortzen badituzte, haientzat feedback oso positiboa izango baita aurrera jarraitzeko.
